License ගමු!
🚲 🚗 🚚
" 01. වෛද්‍ය පරීක්ෂණය "
හැදින්වීම :- Old Post
report එක අරගෙන ආයෙ කාමරයකට අරන් ඇස් පෙනීම/අවයව ක්‍රියාකාරීත්වය වගේ ඒවා පරීක්ෂා කරයි පොඩි පොඩි අභ්‍යාස වගයක් දීලා. හුගක් අය අසමත් වෙන්නෙ මෙතනදි තමයි. ඒත් ඇතුළට යන අයගෙන් 99.9% ක්ම සමත් වෙනවා හුගක් දුරට.
" 01. වෛද්‍ය පරීක්ෂණය "
මෙහෙමයි!
License ගන්න තියෙන මුල්ම පියවර තමයි මේක. ඒ කියන්නෙ ඔයාගෙ සෞඛ්‍ය පිළිබදව වාර්ථාවක් ඕනෙ වෙනවා. ඔයාට මේක ගන්න පුළුවන් ලේසිම තැනක් තමයි වේරහෑර DMT/RMV එක. මොකද අනිත් වැඩවලටත් ලේසි නිසා එතනින්ම ගන්න බලන්න. හැබැයි උදේම යන්න ඕනෙ මොකද ටිකක් විතර සෙනග. රජයේ නිවාඩු දින හැර සතියේ සෑම දිනක ම ගන්න පුළුවන්. උදේ 8ට වත් එතන ඉන්න පුළුවන්නම් වැඩේ ඉක්මන්.
Medical එක ගන්න විතරයිනම් ඕනේ (එදාම Register වෙන්නෙ නැත්නම්) ජාතික හැදුනුම්පත සහ රු.750ක් ප්‍රමාණවත්.
නැත්නම් එදාම Register වෙනවනම් උප්පැන්න සහතිකේ මුල් පිටපතක් (Not a photo copy) සහ රු. 2800~3000ක් ඕනේ.
මුලින්ම ගිය ගමන් සපත්තු/සෙරප්පු ගලවලා පෝලිමේ වාඩි වෙන්න දෙයි. ඊළගට officer කෙනෙක් ඇවිත් NIC චෙක් කරලා form එකක් දෙයි. වැඩි දෙයක් පුරවන්න නැහැ ඒකෙ. (දිනය, අත්සන, ඉල්ලුම් කරන දේ දැම්මම ඇති)
පුරවන විදිහ එයාම කියලත් දෙනවා.
ඒකෙ තමයි ඔයාගේ මූලික දේවල් එයාලා සටහන් කරලා තියා ගන්න ගන්නෙ.
ඒකේ තියෙන අංකය හොදට මතක තියා ගන්න එදා දවසෙ වැඩ ඔක්කොම වෙන්නෙ ඒ අංකයට අනුව.
පස්සෙ ඔයාව ඇතුළට ගනී.
මුලින් ම උස/බර මනිනවා. ඊළගට කවුන්ටර් ගාවට ගිහින් NIC එකයි form එකයි ඉල්ලගෙන එයාලා ඔයාගෙ details අරගෙන photo එක ගන්න වාඩි වෙන්න කියයි. වැඩිය ලෑස්ති වෙන්න එපා ටග්ගාලා වාඩි වෙලා එයාලට photo එක ගන්න දෙන්න. මොකද ඔතන ලතවෙන්න ගියොත් ආයෙ නෑ කුණු බැනුම් තමයි.
(බය වෙන්න එපා ඕක නෙමෙයි License එකේ වදින්නෙ, Medical එකට විතරයි ඕක වදින්නෙ)
ඊළගට ඔයාගෙ NIC දීලා ඉස්සරහට සල්ලි ගෙවන්න කියයි. ඔයා ඔයාට අදාළ form අංකය එයාලට කියලා රු.750 දෙන්න. පස්සෙ මෙහෙම ලිසිට් එකක් ලැබෙයි.
ඊට පස්සෙ ඔයාට විනාඩි 5ක් වගේ ඉන්න වෙයි ඔයාගෙ Medical Report එක print වෙනකම්. එතකන් එයාල ඉන්න තැනක් ඔයාට පෙන්නයි. පස්සෙ ඔයාගෙ අංකයට කතා කරලා report එක දීලා ලේ පරීක්ෂා කරන්න යන්න ඕනෙ තැනක් පෙන්නයි. එතනට ගිහින් පරීක්ෂා කළාට පස්සෙ ආයෙ ඔයාට තැනකින් ඉන්න කියලා ටික වෙලාවකින් අංකය කියලා කතා කරලා report එක දෙයි.
දැන් තමයි අන්තිම වැඩේ.
report එක අරගෙන ආයෙ කාමරයකට අරන් ඇස් පෙනීම/අවයව ක්‍රියාකාරීත්වය වගේ ඒවා පරීක්ෂා කරයි පොඩි පොඩි අභ්‍යාස වගයක් දීලා. හුගක් අය අසමත් වෙන්නෙ මෙතනදි තමයි. ඒත් ඇතුළට යන අයගෙන් 99.9% ක්ම සමත් වෙනවා හුගක් දුරට.
අභ්‍යාස ඉවර උනහම ඔයාට එළියෙන් ඉන්න කියයි report එක සම්පූර්ණ කරලා දෙනකම්.
පස්සෙ ආයේ අංකය කතා කරලා ඔයාගෙම අතට Medical Report එක දෙයි.
එතනින් ඒ වැඩේ ඉවරයි!
😍
😍
ඊළග පියවර > " 02. ලියාපදිංචිය"
